Изминатиот викенд Охрид беше местото каде што се случуваше традиционалниот 12-ти по ред “Балкански музички плоштад” во организација на продуцентската куќа “Трето уво”. Фестивалот имаше чест да го отвори виртуозот на хармоника Горан Алачки кој што изведувајќи традиционални македонски композиции со неговите хармоники позитивно ги изненади и вчудоневиди присутните. Тој ги засвире и познатите Гораново оро, Пајдушкото… и многу други познати на македонската публика. Тој од сцената беше испратен со голем громогласен аплаус.
Веднаш по него настапи групата “Златопис” од соседна Србија на чело со рокерот Љуба Нинковиќ кои што изведе интересени композиции од Македонија, Србија и останатите балкански земји. Втората вечер, односно во саботата на 10-ти август на сцената на античкиот театар настапи македонската група “Ла Колони Волвокс” предводена од Сашо Гигов – Гиш кои што изведе традиционални македонски песни и песни од Балканот и пошироко, а веднаш по нив пристутните уживаа во музиката на единствената група од Балканот која што оваа година влезе во финалето на Евровизија, а станува збор за грчката група “Коза Мостра” која што со својот карактеристичен брз ритам изведе повеќе песни. На нивната интересна и брза музика повеќето од пристутните станаа и заиграа.
Подготви: Марија Поповска