Пред само некој ден ви ја претставивме листата на изведувачи кои ќе настапат на фолк вечерта на овогодинешното 20-то јубелејно издание на “Охрид фест”. Музика24 како и досега, така и денес ќе ви презентира нови ексклузивни информации кои овој пат се поврзани со Интернационалната вечер на фестивалот. Дознаваме дека во ревијалниот ден на Интернационалната вечер, присутната публика и гледачите на Македонската телевизија ќе можат да уживаат во песните на познатите Ристо Самарџиев, Наум Петрески, а на сцената ќе се појави и познатиот Мики Јевремовиќ кој што нашата македонска публика многу добро го помети по многуте легендарни хитови.
Новост во целата оваа приказна е што водител на Интернационалната вечер на “Охрид фест” е најавен познатиот македонски поп пејач Зафир Хаџиманов кој што веруваме ќе биде вистинско изненадување и освежување за самиот фестивал. Ете, ова нека биде мотивација плус сите вие кои што сте во Охрид или ќе патувате во Охрид да бидете дел од четирите фестивалски вечери на “Охрид фест”. Како за мало потсетување, продажни места за билетите се: Ланч Бар “Објектив”, ноќен бар “Ликвид” и пред влезот на секоја фестивалска вечер.
Подготви: Марија Поповска